06-06-2004, 09:32 PM
Just x-posting ABV's hindi speech
<!--QuoteBegin-->QUOTE<!--QuoteEBegin-->Maine apna tyaagpatra mahamahim (?) rashtrapatiji ko saunp diyaa hai. Bharat duniyaa kaa sabse badaa loktantra hai. Loktantra main sadaiv jantaa ki ichchaa se sarkarein bantee aur badaltee hai. Loktantra ki yeh shakti hamare desh ke liye gaurav kaa vishay hai. Hamein ise aur majbott banana aur surakshit rakhnaa hai.
Main ap sabko dhanyavaad detaa hoon kee apne mujhe march 1998 se pradhan mantri ke roop main sevaa kerne kaa avsaar diyaa. Aapkaa samrthan aur apkaa vishwas meree sabse badee shakti hai. Jab apne hamein janaadesh diyaa thaa tab rashtra ke samne sthirtaa, sushaasan aur vikaas ki chunautiyaan thee. Ab yeh apko aur itihaas ko tay kernaa hai ki iske avej main main kyaa haasil ker payaa.
Halaaki mujhe is baat kaa santosh hai ki jis samay apne mujhe satta ki baagdor saunpi thee tabkee tulna main bharat ab aur bhe majboot aur samridh hai. Samajik aur arthik vikas ke khsetra main bharat ki pehel ne yeh sidh ker diyaa hai ki usmein ek viksit rashtra banne ki usmein purna kshamtaa aur yogyata hai.
Sankshep main bhale hee meraa dal aur gathbandhan haar gayein ho magar bharat vijayee rahaa hai.
Mitro hamaraa desh bahu dharmi, bahoo bhashee aur bahu jatiya rashtra hai fir bhee in vividhtaon ke bawajood hamaree rashtriya sanskriti prachin kaal se ektaa ke atoot dhage se gunthee hui hai. Gathbandhan sarkar chalaa ker hamnein vividhata main ektaa ki is paramparaa ko sudradh kerne ki koshish ki hai - hamne rashtriya ekta aur samajik ekjoottaa se sambandhon ko aur sudradh kiyaa hai . Hamnein bharatiya loktantra ko is roop main majboot kiyaa hai ki gathbandhan sarkarein rashtra ke sammukh chunautiyon se nipatne main sthayee aur safal ho saktee hai. Hamne vivadit muddon ko baatchit ke jariye aur shantee tathaa paraspar sadichaa ke mahoul main suljhane per jor diyaa hai.
Aaj main vishesh roop se jammu aur kashmir ke logon ko dhanyavaad detaa hoon ki unhonein loktantra main apnee aasthaa vyakt ker aatankvadee shaktiyon ko karaaraa jawaab diyaa hai - bharatne sima paar ke aatankvaad ki chunauti se nipatne main apnee pratibadhata aur kshamtaa ko dikhayaa hai - apne padosi ke saath bharat ne aitihaasik shanti prakriyaa shuru ki hai. Yeh meree jivan paryant ichchaa rahegee ki dakshin asia , people's republic of china aur duniyaa ke anya deshon ke saath shantee sahyog aur mitrata kaa ek nayaa adhyaay shuru ker sakein .
Pyare desh vasiyon , hamnein pad se tyaagpatra diyaa hai lekin rashtra ki sevaa ki apne jimmedaari se nahin - hum chunaav harein hain - apnaa sankalp nahin. Jeet aur haar jivan kaa hissa hain jinhein main sadaiv samaan roop se dekhtaa rahaa hoon. rashtra aur jantaa ke hit main kiye jaane vale sabhee karyon main hum sadaiv sahyog kaa haath badhayenge. Apne jo sneh aur sahyog mujhe diyaa uske liye main ek baar fir se dhanyavaad detaa hoon .
Dhanyavaad,
Jai Hind !
<!--QuoteEnd--><!--QuoteEEnd-->
<!--QuoteBegin-->QUOTE<!--QuoteEBegin-->Maine apna tyaagpatra mahamahim (?) rashtrapatiji ko saunp diyaa hai. Bharat duniyaa kaa sabse badaa loktantra hai. Loktantra main sadaiv jantaa ki ichchaa se sarkarein bantee aur badaltee hai. Loktantra ki yeh shakti hamare desh ke liye gaurav kaa vishay hai. Hamein ise aur majbott banana aur surakshit rakhnaa hai.
Main ap sabko dhanyavaad detaa hoon kee apne mujhe march 1998 se pradhan mantri ke roop main sevaa kerne kaa avsaar diyaa. Aapkaa samrthan aur apkaa vishwas meree sabse badee shakti hai. Jab apne hamein janaadesh diyaa thaa tab rashtra ke samne sthirtaa, sushaasan aur vikaas ki chunautiyaan thee. Ab yeh apko aur itihaas ko tay kernaa hai ki iske avej main main kyaa haasil ker payaa.
Halaaki mujhe is baat kaa santosh hai ki jis samay apne mujhe satta ki baagdor saunpi thee tabkee tulna main bharat ab aur bhe majboot aur samridh hai. Samajik aur arthik vikas ke khsetra main bharat ki pehel ne yeh sidh ker diyaa hai ki usmein ek viksit rashtra banne ki usmein purna kshamtaa aur yogyata hai.
Sankshep main bhale hee meraa dal aur gathbandhan haar gayein ho magar bharat vijayee rahaa hai.
Mitro hamaraa desh bahu dharmi, bahoo bhashee aur bahu jatiya rashtra hai fir bhee in vividhtaon ke bawajood hamaree rashtriya sanskriti prachin kaal se ektaa ke atoot dhage se gunthee hui hai. Gathbandhan sarkar chalaa ker hamnein vividhata main ektaa ki is paramparaa ko sudradh kerne ki koshish ki hai - hamne rashtriya ekta aur samajik ekjoottaa se sambandhon ko aur sudradh kiyaa hai . Hamnein bharatiya loktantra ko is roop main majboot kiyaa hai ki gathbandhan sarkarein rashtra ke sammukh chunautiyon se nipatne main sthayee aur safal ho saktee hai. Hamne vivadit muddon ko baatchit ke jariye aur shantee tathaa paraspar sadichaa ke mahoul main suljhane per jor diyaa hai.
Aaj main vishesh roop se jammu aur kashmir ke logon ko dhanyavaad detaa hoon ki unhonein loktantra main apnee aasthaa vyakt ker aatankvadee shaktiyon ko karaaraa jawaab diyaa hai - bharatne sima paar ke aatankvaad ki chunauti se nipatne main apnee pratibadhata aur kshamtaa ko dikhayaa hai - apne padosi ke saath bharat ne aitihaasik shanti prakriyaa shuru ki hai. Yeh meree jivan paryant ichchaa rahegee ki dakshin asia , people's republic of china aur duniyaa ke anya deshon ke saath shantee sahyog aur mitrata kaa ek nayaa adhyaay shuru ker sakein .
Pyare desh vasiyon , hamnein pad se tyaagpatra diyaa hai lekin rashtra ki sevaa ki apne jimmedaari se nahin - hum chunaav harein hain - apnaa sankalp nahin. Jeet aur haar jivan kaa hissa hain jinhein main sadaiv samaan roop se dekhtaa rahaa hoon. rashtra aur jantaa ke hit main kiye jaane vale sabhee karyon main hum sadaiv sahyog kaa haath badhayenge. Apne jo sneh aur sahyog mujhe diyaa uske liye main ek baar fir se dhanyavaad detaa hoon .
Dhanyavaad,
Jai Hind !
<!--QuoteEnd--><!--QuoteEEnd-->